کانگریس کو کمتر نہ سمجھیں: دیوے گوڑا

بنگلورو (یو این آئی) سابق وزیر اعظم ایچ ڈی دیوے گوڑا نے جمعہ کو کانگریس کے اہم مالی وسائل اور اثر کو دیکھتے ہوئے اسے کمتر سمجھنے تئیں خبردار کیا اور کہا کہ سب سے پرانی پارٹی کو چیلنج کرنا آسان نہیں ہوگا۔مسٹر دیوے گوڑا نے اشارہ کیا کہ ریاستی حکومت پر کانگریس پارٹی کا کنٹرول اسے خاطر خواہ فنڈز تک رسائی کے قابل بناتا ہے، جس کا استعمال انتخابی مہمات، پارٹی کے بنیادی ڈھانچے اور دیگر سیاسی سرگرمیوں کے لیے کیا جا سکتا ہے۔مسٹر دیوے گوڑا نے کرناٹک میں انتظامیہ پر کانگریس پارٹی کے غلبہ پر بھی روشنی ڈالتے ہوئے کہا کہ اس سے ظاہر ہوتا ہے کہ اہم عہدے اور محکمے پارٹی کے زیر اثر ہیں، جس سے کانگریس کو حکمرانی اور سیاسی چالبازی میں فائدہ ملتا ہے۔
سابق وزیر اعظم نے ریاست کے اندر اور قومی سطح پر کانگریس صدر ملکارجن کھڑگے کے اثر اور قیادت کی طرف توجہ مبذول کرائی جو کانگریس پارٹی کی تنظیمی طاقت اور انتخابی امکانات مضبوط ہوتے ہیں۔
انہوں نے کرناٹک کی تاریخ میں کابینہ کے عہدوں پر فائز ایم ایل ایز کی بے مثال تعداد کا حوالہ دیتے ہوئے وسائل کو مؤثر طریقے سے اکٹھا کرنے کی کانگریس پارٹی کی صلاحیت کو بھی اجاگر کیا۔ اس سے پارٹی کے وسیع نیٹ ورک اور اثر کی نشاندہی ہوتی ہے، جسے انتخابی مہم اور تنظیمی سرگرمیوں کے لیے استعمال کیا جا سکتا ہے۔
یہاں بھارتیہ جنتا پارٹی (بی جے پی) اور جنتا دل (سیکولر) (جے ڈی-ایس) کی رابطہ میٹنگ سے خطاب کرتے ہوئے، انہوں نے کہا ’’کرناٹک میں فی الحال کانگریس کی حکومت ہے۔ پیسہ اکٹھا کرنا ان کے لیے اہم شعبوں میں سے ایک ہے۔ کیا آپ انہیں چیلنج کر سکتے ہیں؟ پورا بنگلورو اور ہر محکمہ ایک لیڈر کے ہاتھ میں ہے۔ کانگریس پارٹی کے وسائل کو چیلنج کرنا اتنا آسان نہیں ہے۔سابق وزیر اعلیٰ بی ایس یدی یورپا کے رول پر مسٹر دیوے گوڑا نے ریاست کی تمام 28 لوک سبھا سیٹوں کو جیتنے کی اس کوشش میں ان کے اہم رول پر روشنی ڈالی اور ان سے اتحاد کی خاطر ماضی کی شکایتوں کو نظر انداز کرنے پر زور دیا۔وزیراعلی سدارمیا کی تنقید کا جواب دیتے ہوئے، انہوں نے کہا کہ ان کے پاس ریاست میں جے ڈی (ایس) پارٹی کے اثر کو ظاہر کرنے کی طاقت ہے۔ مسٹر یدی یورپا نے کانگریس حکومت پر مبینہ طور پر ترقیاتی کاموں کو روکنے اور لوگوں کا اعتماد کھونے کے لئے تنقید کی۔