رانچی، 30 اگست (یو این آئی ) جھارکھنڈ کے سابق وزیر اعلیٰ اور جے ایم ایم کے باغی چمپائی سورین نے بھارتیہ جنتا پارٹی میں شمولیت اختیار کر لی۔
چمپائی سورین کے ساتھ ان کے بیٹے بابولال سورین نے بھی بی جے پی میں شمولیت اختیار کی۔ چمپائی سورین کو مرکزی وزیر زراعت اور جھارکھنڈ کے بی جے پی انچارج شیوراج سنگھ چوہان اور آسام کے وزیر اعلیٰ اور شریک انچارج ہمنتا بسوا سرما نے بی جے پی کی رکنیت دلائی۔
کولہان ٹائیگر کے نام سے مشہور چمپائی سورین نے رانچی کے دھروا گولچکر گراؤنڈ میں منعقدہ ایک تقریب میں بی جے پی میں شمولیت اختیار کی۔
اس موقع پر جھارکھنڈ بی جے پی کے ریاستی صدر بابولال مرانڈی، امر باؤری، لکشمی کانت واجپئی، سابق وزیر اعلی ارجن منڈا اور دیگر کئی لیڈر موجود تھے۔
