ادبی تنظیم گفتگو کی طرف سے اس سال پانچ کھلاڑیوں کو دیا جائے گا ملکھا سنگھ سمان

پر یاگ راج ( نامہ نگار ): ادبی تنظیم گفتگو کی طرف سے ہر سال دیے جانے والے دیگر ایوارڈ کے ساتھ اس بار اس کھیل کے رنر ملکھا سنگھ سمان پانچ کھلاڑیوں کو دیا جائے گا۔ ان کھلاڑیوں کے انتخاب کیلئے بھارت بھوشن ورشنی، جئے پرکاش شرما اور راجن نشاد کو گفتگو کے اسپورٹس کا سیکریٹری مقرر کیا گیا ہے ۔ یہ فیصلہ گو گھاٹ میں واقع یمنا ندی میں کشتی پر گفتگو کی انتظامی میٹنگ میں کیا گیا۔گفتگو کے صدر امتیاز احمد غازی نے بتایا کہ گفتگو کی طرف سے ہر سال سبھدرا کماری چوہان سمان، کیلاش گوتم سمان، سیما اپرا جیتا سمان ، ڈاکٹر سدھاکر پانڈے سمان اور اکبر الہ آبادی سمان دیا جاتا ہے۔ اس سال کھیل کیلئے بھی پانچ افراد کو اعزاز سے نوازا جائے گا اور اس کا اعلان آئندہ ماہ آگست میں کیا جائے گا۔ میٹنگ کے دوران انل مانو کو ترقی دے کر نائب صدر کے طور پر نامزد کیا گیا اور ساتھ ہی شیلندر جئے اور ارچنا جیسوال کو تنظیمی سیکریٹری نامزد کیا گیا۔اس دوران اے کے آر ساہل ،ڈاکٹر وریندر تیواری، اجیت شرما آکاش، آصف عثمانی اور سید اسد قاسم سمیت آٹھ افراد کوگفتگو تنظیم میں شامل کیا گیا۔ اس موقع پر نریش مہارانی ، حکیم رشادلاسلام، ارچنا جیسوال، راجیش راج، شیوجی یادو، افسر جمال، دیاشنکر پرساد، دھریندر سنگھ و رام کمار وغیرہ شامل رہے۔