ہندوستان-امریکہ تعلقات کومزید متنوع بنانے پرمودی – جوبائیڈن متفق

نئی دہلی (یواین آئی ) ہندوستان اور امریکہ کے درمیان قریبی اور دیرپا شراکت داری کو کامیابی قرار دیتے ہوئے وزیر اعظم نریندر مودی نے آج کہا کہ آزادی، جمہوریت، انسانی حقوق، شمولیت، تکثیریت اور سبھی شہریوں کے لیے یکساں مواقع کی مشترکہ اقدار ہمارے ملکوں کی کامیابی کے لئے اہم ہیں اور یہ یہی اقدار ہمارے تعلقات کو مضبوط کرتی ہیں۔امریکی صدر سے ملاقات کے مسٹر مودی نے انسٹاگرام پر پوسٹ کیا اور لکھا، "امریکی صدر جو بائیڈن کا استقبال کرتے ہوئے خوشی ہوئی۔ ہماری ملاقات بہت معنی خیز تھی۔ ہم بہت سے ایسے موضوعات پر بات چیت کرنے میں کامیاب رہے جو ہندوستان اور امریکہ کے درمیان اقتصادی اور لوگوں کے درمیان تعلقات کو آگے بڑھائیں گے۔ ہمارے ممالک کے درمیان دوستی عالمی فلاح و بہبود کو آگے بڑھانے میں بہت بڑا کردار ادا کرتی رہے گی۔”
امریکی صدر جوبائیڈن نے آج ہندوستان اور امریکہ کے درمیان قریبی اور پائیدار شراکت داری کی کامیابی کا اعادہ کیا۔ امریکی صدرنے جون 2023 میں واشنگٹن تاریخی دورے کی بے مثال کامیابیوں کو عملی جامہ پہنانے کے لیے جاری خاطر خواہ پیش رفت کے لیے وزیر اعظم مودی کی ستائش کی۔دونوں رہنماؤں نے اپنی حکومتوں سے مطالبہ کیا کہ وہ ہندوستان-امریکہ تعلقات کو تبدیل کرنے کے لیے کام جاری رکھیں گے۔ رہنماؤں نے اس بات کا اعادہ کیا کہ آزادی، جمہوریت، انسانی حقوق، شمولیت، تکثیریت اور تمام شہریوں کے لیے مساوی مواقع کی مشترکہ اقدار ہمارے ممالک کی کامیابی میں مرکزی حیثیت رکھتی ہیں اور یہ اقدار ہمارے تعلقات کی بنیاد ہیں۔صدر بائیڈن نے ہندوستان کی جی 20 صدارت کی تعریف کرتے ہوئے کہا کہ کیسے ایک منچ کی شکل میں جی 20 سے اہم نتائج حاصل ہورہے ہیں۔
رہنماؤں نے جی20 کے ساتھ اپنی وابستگی کا اعادہ کیا اور اس اعتماد کا اظہار کیا کہ نئی دہلی میں جی20 رہنماؤں کی سربراہی کانفرنس کا نتیجہ پائیدار ترقی کو تیز کرنا، کثیر الجہتی تعاون کو فروغ دینا اور جامع اقتصادی پالیسیوں کےآس پاس عالمی اتفاق رائے پیدا کرنے کے مشترکہ اہداف کو آگے بڑھائیں گے۔چیلنجز، بشمول کثیرالطرفہ ترقیاتی بینکوں کو یکسر نئی شکل دینا اور توسیع دینا شامل ہے۔وزیر اعظم مودی اور صدر بائیڈن نے آزاد، کھلے، جامع اور لچکدار ہند-بحرالکاہل خطے کی حمایت میں کواڈ کی اہمیت کا اعادہ کیا۔ وزیر اعظم مودی 2024 میں ہندوستان کی میزبانی میں ہونے والی اگلی کواڈ لیڈرس سمٹ میں صدر بائیڈن کا استقبال کرنے کے منتظر ہیں۔ ہندوستان نے تجارتی رابطہ اور بحری نقل و حمل پر ہند-بحرالکاہل اوقیانوس اقدام کے ستون کی مشترکہ قیادت کرنے کے امریکی فیصلے کا خیرمقدم کیا۔رہنماوں نے ایک بار پھر کثیرالجہتی نظام کو مضبوط اور اصلاح کرنے کی ضرورت پر زور دیا۔ صدر بائیڈن نے چاند کے جنوبی قطبی علاقے میں چندریان-3 کی تاریخی لینڈنگ کے ساتھ ساتھ ہندوستان کے پہلے سولر مشن، آدتیہ کی کامیاب لینڈنگ پر وزیراعظم اور خلائی تحقیقی ادارے (اسرو) کے سائنسدانوں اور انجینئروں کو مبارکباد دی ۔وزیر اعظم مودی اور صدر بائیڈن نے ہندوستان-امریکہ تعلقات کو گہرا اور متنوع بنانے کے اپنے عزم کا اعادہ کیا۔ اسپیس اور اے آئی جیسے نئے اور ابھرتے ہوئے ڈومینز میں توسیعی تعاون اور تیز رفتار دفاعی صنعتی تعاون کے ذریعے اہم دفاعی شراکت داری پر بھی زور دیا ۔ٹرانسپورٹ سیکٹر کو ڈی کاربنائز کرنے کی اہمیت کا اعادہ کرتے ہوئے، لیڈران نے ہندوستان میں برقی نقل و حرکت کو بڑھانے میں پیش رفت کا خیر مقدم کیا۔