احمد آباد میں’جشن عید ملن‘ پروگرام کا انعقاد

احمد آباد(پریس ریلیز) اسباق پبلی کیشن پونے اور خود رنگ احمدآباد کی باہمی اشتراک سے ’جشن عید ملن‘ کا پروگرام کا انعقاد سردار ولبھ بھائی پٹیل اسمارک بھون احمدآباد کے سیمینار ہال میں کیا گیا۔ جسکی نمائندگی حافظ ولی احمد خان اور محمد یونس بھائی نے کی۔نظامت اور دیگر کام ولی احمد خان نے انجام دیئے۔گجرات کی شان پروفیسر محی الدین بمبئی والا صاحب نے اس جشن عید ملن کی صدارت کی۔ کلیدی خطبہ اشرف خان نے پیش کی۔ پروگرام کا آغازگلستاں شیخ کی تلاوت کلام پاک سے ہوا۔ نعتیہ کلام صوفی صفیان نے پیش کی۔ تمام مہمانان خصوصی و مہمانان ذی وقار کااستقبالپھول ہار اور شال اوڑھا کر کیا گیا۔ مہمانان خصوصی میں پروفیسر محی الدین صاحب، ڈاکٹرنثار احمد انصاری، حاجی مدنی میاں خادم اردو شبیر ہاشمی اسٹیج پر جلوہ افروز تھے۔ مہمانان ذی وقار میں وبھاون مہتا ، شری پرشانت یادوجی، محترمہ رشمی رنجن رش صاحبہ بڑوداسے تشریف آوری ہوئی۔ اشرف خان نے کلیدی خطبہ میں عید کی خوشی، عید کی معنی اور اللہ تعالی کی برکتوں کا نزول رمضان المبارک اور روزے کے بارے میں بتایا۔ وطن کی بھائی چارگی، باہمی اتفاق و ملک کی ترقی پر بھی روشنی ڈالی۔اس جشن عید ملن کے موقع پر برادران وطن کو بھی خصوصی دعوت دی گئی تھی وہ حضرات بھی ہال میں تشریف فرما تھے۔شعراء حضرات نے اپنے اپنے کلام پیش کئے۔ سامعین جھوم اٹھے۔ بھائی چارگی و قومی یکجہتی کے اشعار بھی سنائے۔