وندے بھارت ایکسپریس پر حملے کا تین ملزم گرفتار

کلکتہ(یواین آئی)وندے بھارت ایکسپریس پر حملہ کا معاملہ اب سلجھتا جارہا ہے ۔ٹرین میں لگے سی سی ٹی وی فوٹیج کی بنیاد پر کشن گنج سے تعلق رکھنے والےتین نابالغوں کو پولس نے گرفتارکیا ہے ۔3 نابالغوں نے پولیس کو بتایا کہ وہ منگل کو نئی ٹرین دیکھنے کے لیے ریلوے لائن کے کنارے بیٹھے تھے۔ نئی ٹرین جا رہی تھی، انہوں نے وندے بھارت پر پتھر برسائے کہ کیا اس پر اینٹ پھینکنے سے کچھ ہو گا۔ دوسرے لفظوں میں پتھر سیاسی مقاصد کے لیے نہیں پھینکا گیا۔ یہ بات ان تینوں لڑکوں نے اعتراف کیا۔وندے بھارت ایکسپریس پر پتھراؤ کے بعد بنگال میں سیاسی ماحول گرما گیا تھا۔بی جے پی نے الزام عائد کیا ہے کہ جان بوجھ کر حملہ کیا گیا ہے۔بی جے پی نے سوال کیا تھا کہ بنگال میں بار بار ٹرین پر حملے کیوں کئے جارہے ہیں ۔ممتا بنرجی نے بھی اس حملے پر تشویش کا اظہار کیا تھا۔وزیر اعلیٰ نے جمعرات کو گنگا ساگر میں کہا تھاکہ بنگال میں وندے بھارت پر حملہ نہیں کیا گیا ہے۔مگر بی جے پی والوں نے بنگال کو بدنام کرنا شروع کردیا ہے۔بہار میں عوام میں ناراضگی ہے۔جھوٹی خبریں پھیلائی جا رہی تھیں، اس لیے قانونی کارروائی کی جائے گی۔ جمہوریت میں غصہ ہے تو بہار کے لوگوں کی توہین نہیں ہونی چاہیے۔میرے خیال میں بہار کے عوام کا بھی حق ہے۔ممتا بنرجی نے کہا کہ پرانی ٹرین کا ہی کلر کیا گیا ہے صرف نیا انجن لگایا گیا ہے۔میں اپنے دور میں سال میں کم از کم 100 ٹرینیں دیتا تھا۔ گزشتہ 11 سالوں میں ایک بھی نئی ٹرین نہیں چلائی گئی۔
خیال رہے کہ منگل کو وندے بھارت ایکسپریس میں پتھراؤ کے واقعے کی فوٹیج ریلوے نے بدھ کو جاری کیا تھا۔ اس فوٹیج کی بنیاد پر یہ سمجھا جاتا ہے کہ پتھر بازی بہار کے دھولاباری اور منگرجن اسٹیشنوں کے درمیان ہوئی تھی۔ اس فوٹیج کی بنیاد پر پولیس نے تفتیش کے بعد 3 نابالغوں کو گرفتار کرلیا۔ ان کی عمریں 13-17 سال ہیں۔ انہیں آج عدالت میں پیش کیا گیا۔